منذر الجريدي يكشف المستور: فوزي بن قمرة كان بنادري و قلبني في فلوسي و ضربني بكرسي. (فيديو)

منذر الجريدي في #ضيفنا_على_كيفنا :

" انا وقت الي خدمت مع محمد الروج فوزي

بن قمرة نكرة وكان بنادري ورا محمد الروج

فما تاريخ والعباد ما يعرفوش اصلو طبال

فوزي بن قمرة... في ألبوم شوفلي ياما بنت

حلال الألبوم وقتها نجح نجاح ساحق

تعاركت انا و فوزي على خاطر ماخذيت حتى

فرنك

ا

قالي ماعنديش فلوس وهو يخدم في دار

سليم شيبوب ودار فلان جيت نكلم فيه على

مستحقاتي ياخي فوزي عمل ردة فعل

موش باهية متاع شوارع موش متاع فنانين

بالكل ضربني بكرسي وفمة ناس شاهدة و

الطفلة الي كانت تخدم في حانوتو هاي

شاهدة ومازالت حية.

وقتها عيطلي عبد الكريم البنزرتي باش نخدم

انا وياه ياخي فوزي ماخلنيش حب

يستعبدني و يتملكني حرم علية حتى باش

نكتب للناس آخرين رفضت الشيء هذا

ومشيت مع عبد الكريم البنزرتي وفرح بية

وماخلى ما عمل معايا نوجهلو تحية فنان

ممتاز جدا....

برة يا زمان وايجا يا زمان سي فوزي بن قمرة

وحل يلزمو غناية ناجحة كلمتني شركة فوني

وقتها قاتلي ترقد تقوم تخلق غناية ناجحة

قتلهم شكون باش يخلصني قالولي فوزي

بن قمرة وتفاهمنا معاه وامورو واضحة

علاش؟

وقتها عمل ألبوم سرقهولو الكل وحل...

نعمل جواباتي هزيتهالو خدمو عليها و

شفتو النتيجة غناية نجحت نجاح ساحق قالي

ايجا لبيرو متاعي مشيتلو باش ناخذ فلوسي

خلالي 10 دينارات وكان قالي مانعطيكش

خير حطهوملي عند طفل متاع استهزاء

العملية خليت 10 دينارات ومشيت على

روحي... ومانيساش الحاجات هاذم.... انا نسالو برشا فلوس ونجاحاتو الكل وثروتو

الكل عندي فيهم باي...

فوزي نحترمو ونقدرو كولد حومتي كبير

مهنيا راني منسامحوش الا ما يمدلي

مستحقاتي على خاطر صور برشا فلوس

والنجاح والمرتبة الي فيها توة بفضلي انا

بعد ربي سبحان وتعالى و هو مايردش راو

يحقر ومايحبش يستعرف...