كتب الاعلامي حسّان بلواعر ما يلي :
بعد ما هدات النفوس على ظهور رانيا التومي في مسلس سر الباتع لخالد يوسف .قلت خلي نقول معاكم كليمة .
هك العام بعد ما تعرفت عليها في أيام قرطاج السينمائية.. استدعات ايناس الدغيدي هند صبري لمصر و قدمت وقتها اول ادوارها في فيلم مذكرات مراهقة .
المهم نتذكر مليح شنوة تكتب على هند . و ابرزها عبارة ..جايبين ممثلة من تونس عشان تتباس ( على اساس ما كانش ثمة بوس في الأفلام المصرية قبل وصول هند صبري )
و كيف كيف الصحافة في تونس وقتها ما كانتش مالعاكسين . و كلات هند ما كلا الطبل نهار العيد .
و الكل تعرفه شنوة ولات هند صبري تو في الدراما و الفن العربي .
نفس الحكاية بطريفة اخرى قاعدة تتعاود . باكثر قسوة و انتشار نظرا لوجود حاجة اسمها وسائل التواصل الاجتماعي .
رانية نعرفها من اول نهار بدات في نسمة . ذكية و مزيانة و بحبوحة و طيبة جدا .
اتمنى لها فقط اكثر نجاح و اكثر أدوار في المستقبل . بالخدمة برك تنجم تجاوب كل اللي قالو فيها كلام تشجيع على الطريقة التونسية ..
و السلام ..
تعليقات
إرسال تعليق