نجلاء بن عبد الله :” الراجل التونسي ما يشبعش المرا …و نحبّ راجل يساعدني أنا ..”

 جاء في تصريحات الممثلة نجلاء بن عبد الله ضيفة #Highlights_with_Nader على IFM مع نادر شقرون جملة من الاراء و المواقف التي عبّرت عنها منها ان “الراجل التونسي ما ينجم روحو بدنيا مع أكثر من مرأة” و اضاف ت الكحول من الأسباب لي تخلي الراجل التونسي ما ينجمش روحو بدنيا مع مرأة….حتى ماديا ما ينجموش رواحهم مع أكثر من مراة كان بالسرقة هاكي حاجة أخرى ..” معرّجة انها :” في كل الحالات انا ضد قانون تعدد الزوجات في تونس و نحب التوانسة لي ما يتفاهموش يطلقو و الطلاق هو الحل و موش المشكل” و واصلت بن عبد الله في ابداء رأيها من الواقع قائلة :” ما نحكيوش على الحريات في تعدد الزوجات خاطر وقتها نسبك و نضربك و نقلك أنا حرة و بعد طلاقي نحب على راجل كيما يساعدني أنا ولا ما نعرسش و رفضت عروض للزواج مبعد ما طلقت و ما خترتش الفلوس ..” و قالت ايضا :” الراجل لي بش ناخذو لازم يحب صغاري كيف صغارو بالضبط مضيفة الراجل لي بش ناخذو لازمني نحبو ولا موش لازم ..أنا حاليا موش مرتبطة و باب الزواج مازلت ما سكرتوش” و عن اعمالها التلفزية قالت بن عبد الله :” دوري في مسلسل الجبل الأحمر بش تشوفوني مرة اخرى في دور مرت البو ..فما خيانة بش تشوفوها في دوري في مسلسل الجبل الأحمر ..بالنسبة لخدمتي على انستقرام عندي باتيندا و نخلص في الاداءات و في إنستقرام ما نخدمش مع الناس الكل على هكا ما ندخلش في برشة فلوس و انستقرام يدخلي أقل من 20 مليون في الشهر و أنستقرام خلاني نعيش لاباس و مرتاحة لكن ما نفضلش في آخر الشهر..”