مايا القصوري :” ما نعملوش مسلسل باش مايكرزوش علينا …”

كتبت مايا القصوري على صفحتها …ما يلي :” مانعملوش مسلسل فيه بوليسية مرتشيين خاطر النقابة وشرفاء البوليسية يكرزوا، مانعملوش مسلسل فيه جندي خاين خاطر جنود البلاد الكل وطنيين والجيش ينجم يكرز، ما نعملوش مسلسل فيه تلامذة ضايعيين خاطر الاولياء والنقابة يكرزوا وزيد ليسياتنا يشرهوا، محيط متاع ابداع فني وتقني، مانعملوش مسلسل على الكونترا خاطر جماعة الجنوب والقصرين يكرزوا، مانعملوش مسلسل على الشمال الغربي خاطر الشمال الغربي يكرز مالصورة النمطية اللي تعملت عليه، مانعملوش مسلسل فيه رجال الأعمال الفاسدين خاطر رجال الأعمال الكل شريفيين وزيد هوما اللي يمولوا وينتجوا في الاعمال، مانعملوش مسلسل على حتى جمعية متاع كورة خاطر تولي حرب اهلية، مانعملوش مسلسل على البايات خاطر المساترية يكرزوا، مانعملوش مسلسل على التكركير في الادارة خاطر الاداريين ينجموا يضربوا ويوقفوا الخدمة جملة (من العشرة للعشرة وربع).

حاصيلوا…حلال فينا الدكتاتورية.