أميمة العياري تقرر عدم مواصلة حوارتها مع مريم الدباغ و طردها لهذه الأسباب

أميمة العياري تقرر عدم مواصلة حوارتها مع مريم الدباغ في برنامج #O_Star :

– أنا سألتك سؤال قتلك أنت أول مرة تقتحم مجال الإعلام أنت وياسين بن قمرة ، عملت طرادة

– أنت سؤالك شمعناها ، معناها قاعدة “تتبهلل” عليا في الراديو ؟

– هكا تولي تتجاوز الحدود متاعك وتقلي “تتبهلل” ماتتقالش في الراديو الكلمة ، وكان جيت في البرنامج متاعك راهو قصوهالك في المونتاج

– مايهمنيش أنا مانخدمش في الراديو وأحنا مانيش في برنامج لذلك مايقلقنيش … أنت تسأل فيا في أسئلة وأنا جيتك ليك أنت باش نعملك إضافة وأنا ماحجتيش بيك أنت حاجتك بيا – أنت ماتعرفنيش وأنا هوني لاني باش نعمل بيك البوز وكان حبيت نعمل بيك البوز راني جبتك قبل أما توا جبتك خاطر عندك برنامج جديد وعلى فلسطين ، ونسأل فيك أول تجربة في الإعلام ومن حقي نسألك ، هايا نخرجوا فاصل

“رجعتلكم من جديد ، نعتذروا على التشنج الي صار مع الضيفة إلي كانت بحذايا ونعتذر على المستوى إلي تعدى ، للأسف مانجمش نقبل أنو مستوى هكا يتعدى وفما كلام مايتقالش في الراديو وحد معين من الإحترام لازم يكون متبادل بين الضيف والإعلامي … هي جات متحزمة وعاملة عركة وحدها بالرغم إلي جايبتها باش تعمل تسويق للبرنامج متاعها ، كنت اعتقد انها تغيرت ولكن يا ذنوبي ويلزمها تعمل دروس في الإعلام وردو بالكم قناة الحوار التونسي ستر ربي فما مونتاج وفما كلام مايلزموش يتعدى ، هذاكا علاش هي مستانسة بالتسجيل”